Өнгөрсөн амралтын өдрүүдэд болсон хүчтэй цасан шуурганы улмаас малдаа яваад сураггүй болсон, замд гараад төөрсөн 131 хүнийг харьяа Онцгой байдлын газар, хэлтсийн аврагчид шуурхай ажиллаж, эсэн мэнд олжээ. Түүнчлэн энэ өдрүүдэд Нийслэлийн Хан-Уул дүүргийн “Өлзийт” хороолол, Айдасын даваанд 20 орчим тээврийн хэрэгсэл цасанд суусныг тус дүүргийн Онцгой байдлын хэлтсийнхэн татаж гаргасан байна. Сонгинохайрхан дүүргийн “22”-ын товчоонд ч ийм явдал олноор гарахыг анхааруулсаар байтал хэнэггүй хүмүүс осолд орох шахлаа хэмээн албаныхан ярьж байна. Өчигдрийн байдлаар Өвөрхангай аймгийн Хайрхандулаан, Төв аймгийн Баян-Өнжүүл суманд энэ сарын 5-нд малдаа яваад сураггүй болсон хоёр залууг хайж байлаа.
Уншигчдын сэтгэгдэл