Их аварга Асашёорюү Осака хотноо болсон Такасаго дэвжээний дэмжигчдийн хүлээн авалтад оролцон, уучлалт гуй лаа. Бараан өнгийн хослол өмссөн Асашёорюүг 1300 орчим фэн нь алга ташин угтан авчээ. “Сайн байцгаана уу. Миний хамгийн хайртай хот болох Осакад та бүхэнтэйгээ өнөөдөр дахин уулзаж байгаадаа тун их баяртай байна. Өнгөрсөн тэмцээнд түрүүлсэн ч, элдэв хэрэгт орооцолдон, зодог тайлахаас өөр аргагүй болсондоо уучлалт гуйя.
Би энэ жил 30 нас хүрнэ. Шинэ амьдралаа эхлэхээр зүтгэж явна” хэмээн тэрбээр ярьжээ. Хоёрдугаар сарын 4-нд хэвлэлийн бага хурал хийлгэснээс хойш нийтийн өмнө гараагүй их аварга аравдугаар сард Токиод болох зодог тайлах ёслолын ажиллагаандаа оролцохыг шүтэн бишрэгчдээсээ хүссэн байна. Нутагтаа харьж, хэсэг амраад Осакад ирж, гуравдугаар сарын тэмцээнийг дэвжээний хажуугийн суудлаас үзэх төлөвлөгөөтэй байгаагаа тэрбээр дурджээ.
Уншигчдын сэтгэгдэл