Хаврын тэнгэрийг халтай гэдгийг харуулах шиг долоо хоногийн эхээр бага зэрэг дулаарч байсан цаг агаар өнөөдрөөс эхлэн муудах төлөвтэй байна. Өнөөдөр Баянхонгор, Дундговийн өмнөд хэсэг, Өмнөговь, Дорноговийн нутгаар салхи секундэд 18 -20 метр хүртэл ширүүсч, цасан болон шороон шуурга шуурч, цаг агаарын аюултай үзэгдэл болж болзошгүй байна. Түүнчлэн өнөөдөр баруун аймгуудын нутгаар үүлэрхэг, нутгийн зүүн хэсгээр цастай.
Төвийн нутгийн зүүн хэсгээр цас орно. Салхи зүүн өмнөөс баруун тийш эргэж секундэд 7-12 метр хүрч явган шуурга шуурна. Зүүн аймгуудын нутгаар солигдмол үүлтэй, салхи секундэд 7-12 метр хүрч явган шуургатай бөгөөд Хэрлэн, Халх голын сав газраар 10-15 градус хүйтэн байна. Отрын нутаг Хэрлэнбаян-Улаан орчмоор 5-7 градус хүйтэн, говийн аймгуудын нутгаар салхи секундэд 6-11 метр, зарим газраар салхины хурд секундэд 18-20 метр хүрч шороон шуурга шуурна гэж Ус цаг уурын хүрээлэнгээс мэдээллээ.
Уншигчдын сэтгэгдэл